Urdaibai Biosfera Erreserba » Etnografia » Ermitak

Izena: San Migel Goiaingerua.

Parrokia: 1952etik aurrera Altamirako parrokia da.

Kokapena: Altamira auzoko erdigunean.

Sarbidea: Gernika-Lumotik Bermeora doan errepidean, 39 km-an, Busturiaren erdigunean, ezkerretara hartu behar da desbideratzea Altamira auzora. 500 m-ra, eskumatara, baseliza dago.

Deskribapena: Oinplano angeluzuzena (27,50 x 9,70 m). Barnean absidea du. Iparraldeko eta Hegoaldeko hegaletan sakristia du. Bistan dauden harlangaitzezko hormak eta harlanduzko ertzak. Hiru bular-horma iparraldean eta beste hiru hegoaldean. Hiru isurialdeko teilatua. Kanpandorrea erdi-puntuko lau arkuren gainean. Hauen azpian sarrera nagusia dago. Fatxadaren hegalak bi pinakuluen bidez errematatuta daude. Erdi-puntuko arkua duen atea hegoaldean. Arku lobuladun atea mendebaldean. Hiru bao zirkular hegoaldean eta bat Iparraldean. Egurrezko zorua. Koroa du. Oinetan eta Epistolaren aldean arkupea.

Irudiak: Kristo Santua, San Migel, Itsasoko Birjina, San Antonio, Karmengo Birjina, San Isidro, Jesusen Bihotz Sakratua, San Jose eta Sortzez Garbia.

Eskumako kaperan: San Joan, Doloreetakoa, Kristo Santua eta San Judas. Irudi horiek Aste Santuetako prozesioan ateratzen ziren.

Artapena: Ona

San Migel
San Migel.

Jaia, kultua eta errituak: Irailaren 29an, San Migel Goiaingeruaren egunean, jaia ospatzen da.

Bateoak ospatzen dira.

Errogatibak: Antzina, Igokundearen aurreko asteartean, parrokiarik baseliza honetaraino prozesioan joaten zen.

Gaur egungo parrokia: 1952ra arte Busturiako parrokiaren laguntzaile izan zen. Orduz geroztik, Altamirako parrokia da.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.