Urdaibai Biosfera Erreserba » Etnografia » Ermitak

Izena: Izena: Santa Marina.

Parrokia: Santo Tomas Apostolua.

Kokapena: Gorozika auzoan, Santa Marina baserri-etxetik 50 m-ra dagoen tontor baten.

Sarbidea: Gernika-Lumo – Nabarniz errepidean, 36. km-an eskumalderako desbideratzea hartutakoan auzoko bideak Gorozikara eramango gaitu. 350 m-ra ermita dago.

Deskribapena: 11,80 x 8,40 metroko oin angeluzuzena dauka. Hormak harlangaitzez eginda dagoz, harlanduzko kantoi-harriekin. Fatxada nagusia mokatuta dago. Teilatua hiru isurialdekoa da eta zertxa biren gainean dago. Ez dauka kanpandorrerik, baina horren lekuan burdinazko gurutzea dago. Atea mendebaldera dago eta dintelduna da. Gezi-leiho bi ditu, bata aldare atzean eta bestea hegoalderantz. Mendebaldera begira dagoen bao bat dauka, ate gainean zentratuta. Zorua enkatxatu diren harri biribilez eginda dago.

Irudiak: Santa Mañe.

Artapena: Ona.

Jaia, kultua eta errituak: Santa Mañe eguna uztailaren edo garragilaren 18an da. hurrengo domekan, goizez, ospatzen da, meza eta erromeriarekin.

Errogatibak: Asentsio aurreko martitzenean. San Tomas parrokiatik eta Belendizko San Pelaiotik etortzen ziren errogatiban.

Ura bedeinkatu egiten zen. Ondoren, bertara joandakoen artean banandu egiten zen.

Eskaintza: Kandelak eskaini eta Santaren parte-hartzea eskatzen da erditze ona izateko.

Ohar historikoak: Garrantzi handia izan zuen Antzinako Erregimenean Arratzuko elizateko herri batzarrak baselizan egite ziren-eta. Dokumentuetan XVI. gizalditik aipatzen da.

Oharrak: Ybarra Bergé historialariak irudiaren inguruan ondokoa dio: "... la de Santa Marina (...) con una imagen titular, de estilo gótico florido".

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.