Urdaibai Biosfera Erreserba » Argitalpenak

Gaia: Eleberri historikoa

Arane. Crónicas de hierro y fuego.

2013. urtean altuera handiko arrantzarekin lotutako jardueratik erabat aldendu zenetik, arrantza-kapitain ohiak, jaioterrian bizi denak, literaturara bideratzen du denboraren zati handi bat. Dedikazio horren ondorioz, 2018an lehen zatia argitaratu zuen, "Nada sabemos de la quinta estación” (Alt Autores) izenekoa, eta 2019an bigarren zatiarekin itzuli da. Eleberria XIV. mendean garatzen da, penintsulako erresumak Iberiar penintsula konkistatzeko irrikaz dauden benimerinen aurka borrokan ari diren garaian. Bizkaia (Bermeo batez ere) eta Cadiz (Gatzagako gudua gertatu zen lekua) bezalako eszenatoki ezberdinek markatuko dute Errekonkistaren azken mugarria, afrikarrak Al-Angelusetik behin betiko kanporatuak izan zirenean. Orrialde hauetan zehar, irakurleak mosaiko bat aurkituko du, zeinaren teselek garaiko bizimoduak fidelki erreproduzitzen dituzten. Flandriako merkataritza, gorteko azpijokoak, anbizio handiko erregeek jarraitutako politika, herri lau baten eta klero lizun baten ondoan doaz. Bizitza osoa irakurlea axolagabe utziko ez duten orrialdeetan barreiaturik, non Dama Beltza ezinbestean aurrera doan, izurria Europako azken txokoraino hedatuz. Protagonistetako bat, Tomas Azuaga, kanpai-jole zaindaria, hamarkada luzeetan gatibu egon ondoren, bere leinu desagertuaren ekimenez eraikitako eliza bateko horma lodietatik libratzea besterik ez du nahi. Bere bekatua, familia madarikatu batean jaio izana, eta ondorioz, Santa Mariako harri izoztuen artean ibiltzera kondenatuta dago. Tomasekin batera, Haizea izango da kontakizun honen lehen orrialdeetan barrena ibiltzera eramango gaituena. Bere Lapurdiko jaioterritik urrun. Uxue zenaren alabak ere bere estigmarekin kargatzen du, baina ez du zerikusirik desohorearekin, kontrakoarekin baino: berari bakarrik interesatzen zaio bere amak ametsetan transmititutako mezuari zentzua aurkitzea, bordan kiskalita hil ondoren. Arrazoi ezezagunen bat egongo zen Amalurreko apaiza arrano handi bat bihurtzeko Bermeoko talaiaren zeruaren azpian! Lehen zatiak amaiera gogorra zuen, eta bigarrenak … Argitalpen interesgarria, atsegina eta irakurterraza.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.