Urdaibai Biosfera Erreserba » Etnografia » Ermitak

Izena: Jesus Gurutziltzatua, herritarrentzat Kurtzifisidxoa.

Parrokia: San Martin Gotzain.

Kokapena: Meakaur auzoan, parrokiaren eta udaletxearen aurrean dago.

Sarbidea: Mungiatik Morgara doan eskualdeko errepidean, 27,300 km-an, ezkerraldean, Meakaureko San Martin parrokiara doan bidea hartu behar da.

Deskribapena: Oinplano angeluzuzena (15,30 x 6,10 m). Zuritutako harlanduzko hormak. Lau isurialdeko estalkia, barnealdetik gurutzeria-ganga itxura duena. Ipar-ekialdean erdi-puntuko arkupetik barnera sartzen da. Sarbideak, torneatutako egurrezko sarea du. Leihoburudun leiho bi hegoaldean. Nabean, zementuzko zorua harrizko harlauzen gainean; presbiterioan, harrizko harlauzak eta egurra. Harlanduzko bi zutabek oinetan dagoen arkupea eusten dute. Fatxada nagusian dagoen zementuzko plaka batek ondokoa dio: Hermita del Crucifijo. Barnealdean, hegaletako bi hormetan txertatuta, hareharrian egindako arranoaren eta lehoiaren irudi bi daude.

Irudiak: Kristo Santua.

Artapena: Oso ona, 1990ean eraberritu baitzen.

Jaia, kultua eta errituak: Eguen Santuan eta Corpus Christi egunetan parrokiatik baselizaraino prozesioan joaten zen. Ohitura hori, gutxi gora-behera, XX. mendearen azken herenean bertan behera geratu zen.

Baseliza honetara errogatiban ere joaten zen. San Markoren egunean letaniak otoitz egiten ziren errogatiba horietan.

Ohar historikoak: Iturrizak hauxe dio:

"(...) Edificada por la misma republica el año de 1585 y renobada en el de 1766 dentro de la qual existen dos lapidas, con las figuras de vna aguila y leon con inscripciones que dicen Ave Maria gratia plena, y Memento (...)".

Hareharrizko bi pieza horiek, esanda dagoenez, barnealdean kontserbatzen dira. Inskripzioak, berriz, ez.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.