Urdaibai Biosfera Erreserba » Etnografia » Ermitak

Izena: Izena: San Bizente Martiri.

Parrokia: Akordako Andra Maria Garazi.

Kokapena: Antzora auzoan, Andikone deitutako lekuan, Izaro irlaren aurrean.

Sarbidea: Gernika-Lumo - Ibarrangelu (Laidatik) errepidea. 45,600 km-an, eskuinaldera hartu behar da Antzorara doan auzo-bidea. 100 bat m-ra baseliza dago.

Deskribapena: 10,95 x 7,30 m-ko oin-plano errektangeluarra. Hormak, harlangaitzezko harriz eginda daude, eta ertzak, harlanduz. Teilatua hiru haizetara. Bao bakarreko hormigoizko kanpai-horma, kanpaiarekin. H-an dinteldun atea eta gezi-leihoa. Haurlauzazko zorua.

Irudiak: San Bizente, San Isidro eta San José.

Margo-lana: Jesus Nazaret.

San Bizente
San Bizente.

Artapena: Ona.

Jaia, kultua eta errituak: Garai baten, jaia, urtarrilaren 22an, San Bizente egunean bertan, ospatzen zen. Baina azken urte hauetan, jaia, abuztuko bigarren igandera atzeratu da. Abestutako meza eta herri-erromeria dago.

Lehenago, maiatzaren 15ean, San Isidro eta, martxoaren 19an, San Jose, egunetan, mezak ospatzen ziren.

Errogatibak: Akordako parrokiatik errogatiban joaten zen baseliza honetara.

Lehorte-garaian Akordako Birjina honaino jaisten zen prozesioan.

Ezkontzak: Inoiz ezkontzaren bat ospatu izan da.

Oharrak: Fabrika-Liburuek 1652ra garamatzate eta badirudi sasoi horretan txakolina batzen zela parrokiako ortuan.

1.793ko bisitaldiaren ondotik, itoginak zeudelako edo, teilatua eraberritzea agindu zen; baita aldarearen gainean zegoen gurutzea beste bategatik aldatzea ere. Izan ere, zatarra baino zatarragoa zen gurutzea.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.