Urdaibai Biosfera Erreserba » Arkitektura » Arkitektura Industriala » Errotak » Ibai errotak

Bermeoko Artika auzoan kokatuta zegoen.

Artika errekaren urak erabiltzen zituen.

1521ean eko ezkontza-kontratu batean aipatzen da errota hau: Juan Gonzalez Mezetakoaren semea eta San Juan Martinez Garaldekoaren alabarekin ezkontzean, Mezetakoak ondokoa ematen du: "Primeramente (...) las ruedas e moliendas que (...) tiene en el balle de la artigas (...) la rueda bieja todo enteramente e las dos que dha rueda modorra e la mitad de la rueda de barrutia e todos sus pertenecidos; Ytem mas la casa seia de monyoya e todos sus pertenecidos y ganados que alli ay; Ytem mas los solares de hermendurua que son en la calle de hermendurua(...); Ytem mas las tierras bazias que dizen viñas del portal; Yten mas la casa e caseria de Suloeta y sus pertenecidos; Ytem mas las quatro de la rueda de Ugarte e sus pertenecidos (...)".

XVIII. mendearen hasieran, Juan Francisco Ugartekoaren izenez aipatzen da, Poiuko Ugarte torrearekiko lotura agertzen delarik. XVIII. mende erditik aurrera, Arostegiren oinordekoen jabetzan egon zen errota hau: Jose Ventura Mendozakoaren, eta Uhagonekoen eskuetan.

1983ko uholde handiak izan arte martxan egon zen. Arro honetan ixten azkena izan zen.

Txominantone edo Poiuerrota baserria
(Bermeo).

1862ko agirian agertzen denez artoa ehotzeko bi errota-ardatz izan zituen.

Gaur egun ez du funtzionatzen, baina hain ondo kontserbatuta dago ehotzen aritzeko moduan dagoela.

Norberaren jabegokoa denez ezin sar daiteke bere barnera.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.