Urdaibai Biosfera Erreserba » Arkitektura » Arkitektura Industriala

Baina, nola eho aleak edo garauak lehorte-garaian, udan adibidez, ibaietatik eta paduretatik haratago dauden errotagintza-industriaren kasuan? Haize-errotak, edo uda-errotak, erabiliz.

Busturialdean eraikitako haize-errotak tradizio nordikokoak edo europearrekoak, hots, ardatz bertikalekoak dira, eta zehatzagoak izateko -militar edo dorre- erako haize-errotak dira.

Errota hauek guztiek ondoko ezaugarriak dituzte: forma tronkokonikoa, harrizko hormak, karez zuritugabekoak, lau hegalez osatuta eta estalki biragarra, bera haize nagusirantz orientatzeko uneoro.

Kontsultatutako bibliografiaren arabera Busturialdean hiru haize-errota izan omen ziren: Gaztañetxuetagana (Nabarniz), Kosnoaga (Gernika-Lumo) eta Ubilla (Morga).

Haize-errota barrutik. (Iñaki Libanoren marrazkia)
Haize-errota barrutik.
(Iñaki Libanoren marrazkia).

Bere funtzionamendua azal diezagukeen haize-errotarik ez dugu Busturialdean.

Hau da Busturialdean egondako haize-errotaz dakiguna. Ez da ezertxo ere tente. Dugun aukera bakarra, beraz, nolakoak izan zitezkeen eta aipatutako hiru gailurretan nola zeuden irudikatzea da.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.